مافيش فايدة في حكومتنا قوم ايه نعمل احنا ايه؟؟؟؟؟؟؟

السلاام عليكم ورحمة الله وبركاته

مافيش فايدة في في حكومتنا صح ؟؟؟؟
فيه سرقة ...... نصب...... نهب ...... دعارة ....... رشاوي .... محسوبية ........ وسطه
عاااااااااااااااااااااااااادي خالص ده شيء اتعودنا عليه بقلنا فوق الخمسة وعشرين سنة
بنعمل ايه ياااااااتري ؟؟؟؟
بنعد نتكلم مع بعض علي القهاوي وفي النوادي علي وضع البلد ومستاءين من اللي بيحصل فيها وصعبانة علينا والكل عايز يهرب برة البلد عشان يشوف نفسه ويكون نفسه ويدي خيره ومجهوده وتفكيره لدولة عربية كانت او اجنبية كافرة
والحل ايه نقول حسبي الله ونعم الوكيل
طبعا الله فوق الكل والله قادر علي كل شيء
ولكن..... كل شيء لاازم يكون مقرون بالعمل لازم ناخد بالاسباب لازم نكون أيجابيين
كفااااااااااية بقي مبدأ أنا ومن بعدي الطوفان
اعملوا بحديث رسول الله صلي الله عليه وسلم (( من لم يهتم بأمر المسلمين فليس منهم ))
(( من رأي منكم منكرا فليغيره اما بيده او بلسانه او بقلبه وذاك اضعف الايمان))
أأأأأأأأأأأأأأأيه بقينا ضعاف القوة والايمان كمااااااااااااان

أأأأأأأأأأأأأتقوا الله يامسلمين
بصوا انا عندي كذا حل لتصليح احوال البلد ان شاء الله
لازم نكفي بعض الحكومة مش هاتنفعنا بشيء
بنعد نتكلم بس لكن الفعل مافيش فيه ناس كتير بتموت نفسها وتنتحر وتقتل عيالها عشان مش عارفة تأكلهم
فيه مشروع اسمه بنك الطعام رقمه 16060
المشروع ده هو تحويل الطعام الباقي من أفراح الفنادق وتوصيلها للأسر الفقيرة في بيوتها ((الثلااث وجبات ))
المشروع ده ضخم جدا قائم عليه رجل اعمال كبير مسخر كل عماله لخدمة هذا المشروع
فالمطلوب منكم الآتي:
1- اللي عنده بيفيض طعام وبيرميه ميرمهوش ويتصل علي هذا الرقم
2- اللي عارف ناس فقيرة ومحتاجة لطعام بس نفسها عزيزة ولاتسأل الناس الحافا تتصل بالرقم ده وتديهم بيانات هذه الاسرة
3- اللي عارف رجل اعمال خير او صاحب شغل متدين وطيب يعرض عليه المشروع ده
4- لو قدرت انت وجماعة من اصحابك او صحباتك ان تعملوا هذا المشروع علي نطاق شارعكم او حارتكم فلتفعلوا جزاكم الله كل خير

شوفوا وصلنا لايه الناس مش لااقية ابسط حقوقها في الحياة وهو الطعام
ليييييييييييه حصل ده عشان الطمع والجشع ملأأ قلوب البعض منا الا من رحم ربي
وقال ايه بيدرسوا مؤخرا قرار فرض ضرائب علي المساكن والبيوت
يعني هانعيش فيه بيوت بضرائب
يعني بيموتونا بالبطيء حسبنا الله ونعم الوكيل
لازم نحارب الفقر والظلم والسرقة والنهب مش بالشعارات والهتافات والثورات وبعدين الناس الغلابة يروحوا ورا الشمس وفي المعتقلاات
بااننا نحط ايدينا في ايد بعض
المسلمون أخوة كالجسد اذا اشتكي جزأ منه تداعي له باقي الجسد
يعني نزعل لو حد فينا بايت جعان واحنا بايتين شبعانين
لحديث رسول الله صلي الله عليه وسلم (( لم يؤمن بي من بات شبعان وجاره جائع الي جنبه وهو يعلم به ))
يعني انت مش مؤمن بالرسول لو سايب جارك جعان وانت عارف انه جعان

عارفة الردود الي هاتجيني
ان احنا علي قدنا___ الحال علي القد___ احنا من اسرة متوسطة____ يدوبك المصاريف علي القد
انا بتصدق كتير____ انا بحط فلوسي في صندوق الزكاة ____ انا بتبرع لفلسطين ودول الحروب

بقلكم ايه تعالو نقول كلمة سوا اهمس بيها في اذنكم عشان انا هااااااااااااااااطق من السلبية واللامبالااة وكلمة انا مالي اللي انا بسمعها من الرجال قبل النساء

احنا فعلاا كلنا فقراء الي الله
بس فيه حاجات كتيررررررررررررررررر اوي ممكن نستغني عنها في سبيل اطعام الناس الفقراء دول
فيه اولويات قبل الكماليات
يعني مثلا دلوقتي ولنفترض اني معايا موبايل من غير كاميرا شفت صاحبتي جابت موبايل بكاميرا اززااااااااااي
لازم اشتري موبيل بكاميرا وأحدث من بتاع صاحبتي كمان
مش ده اسمه أسراااااااف (( أن المبذرين كانوا أخوان الشياطين ))
وفيه ناس مش لااقية العيش الحاف بمعني الكلمة مش مبالغة

عندي عربية ماتريكس ازاي لاازم اجيب بي ام دبليو او مرسيدس

بصيف في شقة في العجمي او مرسي مطروح
تؤتؤتؤتؤ ازاي لازم اشتري شاليه

وعندي طلب كمان ان احنا مانحطش اي فلوس في صناديق الزكاة
لان البعض منها الا من رحم ربي بيوزوعها علي بعض وليس علي الناس الفقراء والمساكين
لازم نتعب شوية ونصل الفلوس للناس الغلاابة بايدنا ونتأكد انها وصلتهم

وبلااش نتبرع للدول الشقيقة لما نكفي بعض الاول نبقي نتمنظر ونهادي الدول التانية

أرجو أكون وصلت الرسالة اللي جوايا وتكونوا حسيتوا بيها
وياريت تحسوا بآلاااااام الناس الفقرا والناس اللي بعيدة علي الناس دي ياريت تجرب وتنزل تعيش معاهم يوم واحد من حياتهم